टेक्सास । अमेरिकाको टेक्सास राज्यको सदरल्याण्ड स्प्रिङ्गस्थित एउटा चर्चमा भएको गोलीकाण्डमा कम्तिमा २६ जनाको मृत्यु भएको छ भने अन्य २० जनाभन्दा बढी घाइते भएका छन् ।
आइतबार विल्सन काउन्टीमा रहेको बाप्टिस्ट चर्चमा स्थानिय समय अनुसार ११ बजे बिहान उक्त घटना भएको थियो ।
अल जजिराका अनुसार गुडालुप काउन्टी सेरिफका सार्जेन्ट रोबर्ट मर्फीका अनुसार गोलीकाण्डका संदिग्ध हमलावरको मृत्यु भइसकेको छ ।
प्रहरी अधिकारीहरुका अनुसार गोलीकाण्डका संदिग्ध आफ्नै गाडीमा मृत्त फेला परेका थिए । उनी प्रहरी कारवाहीमा मारिएका हुन् वा आत्महत्या गरेका हुन् भन्ने कुरा खुलेको छैन ।
टेक्टसासका गर्भनर ग्रेग अबोटले घटनामा २६ जनाको मृत्यु भएको र मारिनेमा ५ देखि ७२ वर्ष उमेर समूहका रहेका छन् ।
प्रहरी अधिकारीका अनुसार २३ जनाको चर्चमा, दुई जना चर्च बाहिर र एक जनाको अस्पताल लैजाने क्रममा मृत्यु भएको हो ।
राज्यको इतिहासमा सबैभन्दा ठूलो गोलीकाण्ड
‘हाम्रो राज्यको इतिहासमा अहिलेसम्मकै ठूलो गोलिकाण्ड हो,’ अबोटले भने ।
प्रहरीका अनुसार संदिग्ध हमलावर कालो लुगा लगाएर एसल्ट राइफलसहित चर्च पुगेका थिए ।
एसियाको १२ दिने भ्रमणमा रहेका राष्ट्रपति डोनाल्ड ट्रम्पले यसलाई ‘भयानक आक्रमण’ को संज्ञा दिएका छन् ।
अमेरिकामा यस वर्ष १,४९५ वटा गोलीकाण्डका घटना घटिसकेका छन् ।
हमलावर पूर्व अमेरिकी सेना
संदिग्ध हमलावर २६ वर्षीय पूर्व अमेरिकी सेना र बाइबलका शिक्षक डेभिन प्याट्रिक केली रहेको डेली मेलले जनाएको छ ।
उनी अमेरिकी एयरफोर्सबाट आफ्नो पत्नी र बच्चालाई कुटेको आरोपमा त्यहाँबाट निकालिएका थिए ।
उनी सान एन्टोनियोको न्यु ब्राउनफेल्सका बासिन्दा रहेको बताइएको छ । उनले हालै मात्र फेसबुकमा एआर – १५ राइफलको राखेका थिए ।
No comments:
Post a Comment